पुस्तक 1: देवाच्या कुटुंबात दृढ होत राहणे

सुदृढ वाढ होण्यासाठी, झाडाला जीवन देणाऱ्या जमिनीत खोलवर मुळे रुजवावी लागतात.

जे व्हा एखादे झाड मूळ धरते व जमिनीत खोलवर रुजू लागते तेव्हा ती कृती लवकरच जमिनीवर दिसून येऊ लागते. नव्या फांद्याचे अंकुर फुटतात. कोवळी हिरवी पाने दिसू लागतात. फांदीसुद्धा बळकट होते, वादळाला अधिक चांगला मुकाबला देऊ शकते. मुळांमुळे झाड कणखर आणि फलदायी बनते.

तुमचेही असेच होत असते. जितके तुम्ही तुमचे जीवन ख्रिस्तामध्ये खोलवर रुजवता तितके तुम्ही दृढ होत राहणार. समृध्द बायबल अभ्यासाद्वारे, वचनांचे पाठांतर करण्याद्वारे आणि गटांमध्ये देवाणघेवाण करण्याद्वारे तुमच्या ख्रिस्ती जीवनात तुम्हाला खोल पाया घालण्यास मदत व्हावी म्हणून २:७ मालिकेच्या या पहिल्या पुस्तकाची रचना करण्यात आली आहे. शिष्यत्वासाठी असलेल्या बायबलनुसार व व्यावहारिक दृष्टिकोनामुळे या अभ्यासक्रमाद्वारे दीर्घ व जीवन बदलून टाकणारे परिणाम घडून येतील, ते असे:

• देवाशी जवळचे नातेसंबंध.
• प्राधान्यासंबंधी अधिक तीव्र जाणीव.
• अख्रिस्ती मित्रांसाठी असलेली तुमची कळकळ पल्लवित करणे.
• तुमच्या गटातील सदस्यांशी वाढती सद्भावना.