पुस्तक 2: देवाच्या कुटुंबात खोल मुळावणे

“त्यामध्ये मुळावलेले, रचले जात असलेले, तुम्हांस शिकवल्याप्रमाणे विश्वासात दृढ होत जाणारे आणि निरंतर उपकारस्तुती करणारे व्हा.” कलसै. २:७

जे व्हा एखादे झाड मूळ धरते व जमिनीत खोलवर रुजू लागते तेव्हा ही कृती लवकरच जमिनीवर दिसून येऊ लागते. नव्या फांद्याचे अंकुर फुटतात. कोवळी, हिरवी पाने दिसू लागतात. खोडसुद्धा बळकट होते, वादळाला अधिक चांगला मुकाबला देऊ शकते. मुळांमुळे झाड कणखर आणि फलद्रूप बनते. तुमचेही असेच होत असते. जितके तुम्ही तुमचे जीवन ख्रिस्तामध्ये खोलवर रुजवता तितके तुम्ही दृढ होत राहणार.

२:७ मालिकेच्या प्रत्येक पुस्तकाचे दुहेरी लक्ष्य आहे — वैयक्तिक वाढ आणि ख्रिस्तामधील तुमच्या जीवनाबद्दल इतरांना सांगणे. या अभ्यासक्रमामध्ये प्रथम ख्रिस्ताला आपल्या जीवनाचा प्रभू कसे बनवावे यासंबंधी तुम्ही शिकाल. आणि मग तुम्हाला समजेल की तुमच्या आध्यात्मिक जीवनाकडे पुनरावलोकन करून इतरांना सांगणे किती सोपे आहे. शिष्यत्वासाठी असलेल्या बायबलनुसार व व्यावहारिक दृष्टिकोनामुळे या अभ्यासक्रमाद्वारे दीर्घ व जीवन बदलून टाकणारे परिणाम घडून येतील, ते असे:

• देवाशी जवळचा नातेसंबंध.
• देवाचे वचन पाठ करण्याची इच्छा व पद्धत.
• एक सलग्न उपयोगी अशी वैयक्तिक साक्ष.
• प्रार्थनेमध्ये एक दिवस घालवण्याची क्षमता.